ناصر خسرو علوى

❰ له مجموعة من الإنجازات والمؤلفات أبرزها ❞ سفر نامة ❝ الناشرين : ❞ الهيئة المصرية العامة للكتاب ❝ ❱

---

1004 م - 1088 م.

تم إيجاد له: كتاب واحد.

ابو معین ناصر بن خسرو بن حارث القبادیانی البلخی ، ناصر خسرو علوى ( قباديان ، بلخ، 1003 - يمكان، 1088 ) ، رحاله و شاعر فارسى مجدد بيعتبر ديوانه " الديوان " من ارقى اللى اتكتب فى الادب الفلسفى الفارسى. زار مصر و عاش فى القاهره اكتر من تلت سنين فى وقت رحله عملها من سنة 1045 لسنة 1052. كتب كتاب اسمه " السفرنامه " حكى فيه عن رحلته اللى خدت سبع سنين و سجل احداثها يوم بيوم. تلت الكتاب عن مصر و صف فيه انطباعاته عنها و عن اللى شافه فيها فوصف قصور القاهره و اسوارها و ابوابها و عادات سكانها و بيوتهم و اكلاتهم و بيعتبر كتابه من اهم المراجع التاريخيه عن القاهره فى عصر الدوله الفاطميه. اترجم الكتاب للفرنساوى عن طريق المستشرق الفرنساوى شال شيفر و للانجليزى عن طريق المستشرق لى سترينج و اترجم فى مصر سنة 1945 عن طريق يحى الخشاب

ناصر خسرو اتولد فى اسره متوسطه فى قباديان فى بلخ ( فى طاچيكيستان الحاليه ) سنة 1003 و اتجه للمذهب الاسماعيلى مع انه شغل مناصب كبيره فى الدولتين السنيتين الغزنويه و السلجوقيه ، راح القدس و الحجاز و الهند و عاش هناك فى بلاط السلطان محمود الغزنوى ، و زار مصر اللى انبهر بحضارتها فعاش فى القاهره تلت سنين و تلت تشهر و اتدرج فى مناصب الدعاه الاسماعيليين و كان دقيق الملاحظه فطلع كتابه " السفرنامه " مليان بالمعلومات عن البلاد اللى زارها

من اعماله

• سفرنامه : وصف لرحلاته و المناطق اللى زارها.
• الديوان : أشعار
• خوان اخوان : فلسفه
• روشنائى نامه ( كتاب الضياء) : شعر.
• سعادتنامه ( كتاب السعادة )
• زاد المسافرين
• جامع الحكمتين